Llunes
El llunes ye'l día más llargu de la selmana y del añu. El llunes entama'l domingu pela tarde, más o menos al riscar l'alba. Tovía nun llegó y yá ta torgándote tomar toles copes que te mereces pa celebrar lo bona que taba saliendo la fin de selmana. Sacantes los xubilaos y los recién ñacíos, toos tenemos daqué que facer a la mañana viniente, y siempre ye dalgo que mos ḥode.
L'espertador[editar]
L'espertador ye l'únicu que ta animáu'l llunes pela mañana. Sentó-y a él meyor qu'a tí'l descansu de la fin de selmana. Cuando yes estudiante vas a clase, cuando yes currante vas al curru. En dambos casos el trayeutu yá va preparándote pa lo que queda por venir. Si vas en tresporte públicu, el xófer miraráte cola mesma cara perru cola que tu te mirasti pocu enantes nel espeyu. Si ties la suerte dir en coche al trabayu, te sosprenderá la bayura desconocíos que paecen coñocer a la to má.
Arribada[editar]
Arribes al llugar u tarás tol día, y te paez que nun sabes qué finará enantes: la to paciencia, la to vida, o'l putu llunes. Una ventaxa d'estudiar ye que pues tar mediu sopa la primer hora. Pa compensar, una ventaxa de trabayar ye que pues poner un tazón de café puru si trabayes nuna oficina, o escaqueate media horina pa echar un pigazu si trabayes n'otros ámbetos.
N'ambos casos tu relaición colos tós collacios ye máis tensa y silenciosa que de costumbre. Y tus profesores o xefes tamén tán como pa pediyos llume. Parez que ná pué ir peor. Empero en llunes tóu ye posible.
Carauterístiques[editar]
Esti ye'l perfectu díi aliáu de los pardos.Por dalguna razón los más gordos preséntense n´esti díi.Ye un díi nel que llegate la noticia de que suspendisti la asignatura más importante, o que tocate una tarea de dos selmanes que tien que tar pal miércoles, o el ascensu del tó más detestáu enemigu. Lo únicu que tien el lunes ye que, por les leyes de la probabilidá, al ser el díi de repartu de les grandes desgracies, pué tocate ser protagonista n'una axena, lo que pué date un efímeru instante de regocixu (amás de granxeate un enemigu de por vída).
El llunes suel terminar a más altes hores qu'el restu de los díes. Incluso n'Agostu tiés mui poques probabilidáes de salir con lluz del día de lo que sea que hayas pasáo l'aciaga xorná. Empero, eso tamién ye una señal de qu'el llunes tá finando, y qu'hasta pués sobrevivilu. En calquier casu, cuando la xorná d´actividá fina, el baxón físicu y mental ye considerable. Gracies a la televisión podrás sedar les tos neurones enante les últimes hores del día.
Finalmente sobrevives al llunes, por cierto, seguirá habiendo llunes en tóa la tó vída, y munchos años dempués de que morriste.
Amirar tamén[editar]
| Díes dela selmana |
|
Llunes | Martes | Llárcoles | Miércoles | Xueves | Vienres | Sábadu | Domingu |