Uviéu
|
|
| País | Asturies |
| Conceyu | Conceyu d'Uviéu |
| Xentiliciu | Uvieíñol/-ñola. |
| Habitantes | 220 000 |
| Densidá | Toos aglomeraos |
| Superficie | Too cuestes |
| Códigu Postal | Entrúga-yoslo a los del Saturn |
| Alcalde | Fartáes Caunedo |
Uviéu ye una ciudá del centru d'Asturies y la so capital, puestu que comparte sigún Cosmopolitan con Xixón. S'alluga a 400 quilómetros de la capital del Imperiu, fechu que nun-y impide ser conocía como La Capital de la Hispanidá d'Occidente.
Hestoria[editar]
Sigún cunta la lleenda, la ciudá foi fondada por una fras del maxestuosu rei Fruela, al cual entrugáron-y, ¿aú vas mandar a esos pih.os que tán viniendo de la Galia?, el cual retrucó:Ubi eu, que sinifica Onde cago.
Pasaron los años y tres dexar el xigantescu zurullu (güei más conocíu como Narancu) nomáu Uvetu, creóse n'ella un monasteriu de monxos calimeros, ente cuyos primeros habitantes taba Fromestanu, el fundador tamién del Restaurante homónimu. Haza l'añu 800 e.C., Alonso II el rápidu, treslladó la capital del reinu a la moza ciudá, dotándola d'un Mcdonalds, muries y numberosos palacios, ente los que s'alcuentra'l de Santa María del Naranco, fechu con bricks de Lego, material perutilizáu naquella dómina.
Pocos años más sero esti reyezuelu descubrió una ruta secreta haza l'imperiu Gondwanés, onde, sigún cunta'l Códices A Zucaradae, el Reinu Astur suministraba alucinóxenes tartes de Santiagu a los sos guerreros, lo que-yos dotaba d'una fuercia sobrehumana. El prubín, como nun yera fatu nin ná, decidió emprimar una campaña publicitaria per toa Europa, faciendo de la so mísera ruta una gran atraición turística, nomada Autovía del Cantábricu.
Tres fundase'l Principáu d'Asturies, o lo que vien a ser lo mesmu, un reinu descafeináu, Uviéu dexa de ser capital d'un reinu, y se convierte en capital de Principáu, que tal y como taben les coses nun yera mala cosa.
Nos sieglos vinientes Uviéu, convirtióse na ciudá gafapasta por escelencia, per aciu del so aislamientu, y a los sos estraños pensadores del tiuo de Feijoo o Xovellanos (Bah, que más-yos da a los de Xixón, enga, camudamosvos a Xovellanos por Melendi).
A entamos del sieglu XIX, Uviéu sedría la primera ciudá (sigún mos cuenta La Pixarra, foi la única) en resistise a la invasión gabacha, yá que'l gobiernu hespañol pagaba perbien, y a los astures entá-yos quedaben escedentes de tarta de Santiago, polo que se llanzaron a la llucha, fasta espulsa-yos de mano de Xuana d'Aragón Avilés.
Demientres años Uviéu foi escaecida, fasta qu'un grupu d'actores de la compañía La Petaca, de García Lorca, decidieron montar un espectáculu nomáu Revolución del 34, calificáu pol reputáu críticu de teatru, Jiménez Los Santos, de deplorable. Namái dos años más sero tomaríense represalies de tal apestosa obra, y la ciudá foi sitiada polos nacionales, non ensin enantes achuquinar a Lorca.
En 1981, tres finar el franquismu (dómina na que'l perru de Franco se comió tolos cartafueyos d'Uviéu), créyense los premios Príncipe d'Asturias, qu'atrayería a incautos premiaos al hotel Reconquista (antiguu Orfanatu malditu).
Xeografía[editar]
Uviéu, ye una ciudá escamosa, asitiada nun pequeñu valle arodiáu pol maxestuosu monte Naranco (Naranco de Bulnes pa Jose Ángel de la Casa) y los Urales. Nesi valle, xúnense ríos como'l Nora, el Nalón y el Trubia, ríu contamináu polos numberosos baños mensuales de los habitantes de la puerca villa de Trubia, que tienen vezu de tirar el ganáu muertu, non ensin enantes ser sodomizáu, al ríu.
Demografía[editar]
La población de la ciudá d'Uviéu, d'unos 209.000 habitantes, componse d'un perescasu 3% de carbayones de nacencia, frente a un 76% de charnegos procedentes de Cangas del Narcea o Siero. El 11% restante, componenlu los inmigrantes, ente los que rescamplen los xixonudos con un censu de 2546 culos moyaos, 1280 Negritenses del top manta y 1140 Cuturianos.
Los habitantes dispersense en varios barrios, por mieu al Tíu Camuñes Arheces, que sigún la vieya llienda, sal a les 00:01 a la gueta de bollos preñaos a costa de vides humanes.
Cultura[editar]
Esiste una gran cultura del ociu y la diversión na ciudá, habiendo unos 3450 chigres per cada 100 persones y 300 pubs por cada 50, d'esta miente, los que prefieren la cultura artística tienen el museu de belles artes d'Asturies, d'un tamañu averáu al d'un Renault Twingo.
Otres opciones son el Café Español, sala d'esposiciones mui interesantes y de vital importancia, como semeyes de paragües nel desiertu o sorrises de tol mundiu. Dientru de la catedral, ta'l museu de la Cámara Santa, destruyíu polos Roxos y más sero rematáu polos Fachas en 1938. Ésti museu reconstruyóse años más tarde y agora tien una marxe de visites d'unes 42 persones añales, que suelen dir ver el sagráu Santu Sudariu o la cruz de Pelayu, percreyíble tou.
Es menester, na ciudá, d'alcontrar una bayura d'escultures d'arte moderno, como'l famosu Culis Monumentábilus, del dexeneráu escultor Úrculo (al que-y prestaben tanto los culos que se púnxo ún nel nome) o tamién La Gabinona, cuyu braeru nome ye La maternidá rollizo, de Santiago Botero, n'honor a l'amorfa má del alcalde de la ciudá.
Sociedá[editar]
La sociedá uvieina, de vezos peraraigoñaos, suel acudir a misa tolos domingos, que-yos seya posible, debíu al enfotu y esfuerciu que los capitalinos ponen nos sos trabayos.
Davezu, l'uvieín mediu, d'unos 70 años, acude los vienres a la gueta de llicor formientáu de mazana pasada, o lo que ye lo mesmu, sidra (nun tracamundiar cola hidra, qu'esa tien más mala hostia qu'Oliver Khan colos deos pillaos por una puerta), lo que produz una medra de los comes etílicos ente la mocedá de la capital.
Los adolescentes, de 30 n'adelantre, dedíquense a dir a llugares tan inhóspitos como'l Badulake o la mítica cai Mon, onde numberoses persones nun pudieron salir con vida, siendo arrastraos por riaes de gomitada productu del alcohol y de los calimochos baratos del Burguer King (Sí, nos Burguer King d'Uviéu sirvense calimochos, porque toos sabemos que xintar a palu secu ye malo)
Los infantes, les fines de selmana, dedíquense a dir de folixa per llugares como el Rosal, onde se proto-prostitúin enantes de dar el gran saltu a la cai Mon, onde yá cobrarán por ello.
- Nota:La mocedá uvieína ye un periodu d'edá comprendíu ente los 55 y los 75 años
División clasicista n'Uviéu[editar]
P'andar pEr esta humilde (y tan humilde) ciudÁ, habrá conocer a los típicos ciudadanos colos que s'atopará (y eso se lo aseguro, ya qu'al ser un 0.0002 del Estáu español andamos como sardines en llata) y nun sedrá fácil reconoce-yos. Podemos destremar:
- Jessis y Cannis
"Que me tas cuntando, troncu" o "Como mola'l to queli tíu" son les frases más usaes por estos piltrafilles. Lleves davezu ropes axustaes y de colorinos, ya inclusu s'atreven a llevar cinturones de pinchos con mensaxes como: TKM MANU, JxC o LOLA. Amantes de la submúsica nomada Reggaeton, xuben los Sábados a esos sitios mencionaos nesta páxina (El rosal, non se qué de Mon...a la fin yá sabéis ;D)
- Pih.os o xente refinao
Unos simpáticos y atractivos personaxes que se dexan ver per sitios como:"La cai Uría", "El tribeca" y "Parque Principáu". Como ven ye abegosu nun topase con ellos, a parte de que son los mas fáciles de reconocer, lleven unos atuendos de lo mas. Vaqueros axustaos, cinturones de los años 60, Bisutería de perles y calzáu hortera o pueblerín.
- Geeks, freaks, vintages
Equí yá viemos delles subdivisiones, pero toos poseen carauterístiques comunes como: pasar desapercibíos ente'l xentíu, llevar ropa que se llevaba hai dos años y xugar compulsivamente a xuegos que naide conoz. Anque vos apavorien nun vos esmolezais, son bona xente.
- Asturtxales
Entovía nun se vio nenguna persona desti tipu.
- Montunos
Fenómenu persetendiu per toles ciudaes o pueblos grandes d'Asturies, xente de los pueblos de la rodiada que baxen, nel pior de los casos n'alpargates y pañuelu pita, y goliendo a cuadra, nel meyor en vaqueros pelos sobacos, coles manes nes trabielles y gritando: GUOOOOOOOOOO a les muyeres. Uvieu, siendo el centru xeográficu d'Asturies, concentra tolos sábados un gran númberu, amás de demás foriatonos de Mieres y llangreu, que si bien nun se los pue considerar montunos, al ser del baxo, poco -yos falta (a güeyos del bon uvieín, caro)
Uvieínos célebres[editar]
Bono, célebres...pocos, digamos que famosillos:
¿Sabíes qué...[editar]
- ...a los 25 años, a tolos mozos d'Uviéu se-yos reune nuna céntrica pastelería pa tritura-yos y facer carbayones con ellos?
- ...el Real Uviéu ye una estratexa del gobiernu de la ciudá pa que depositemos esperances en daqué?
- ...que Gabino de Lorenzo ye perbon alcalde y un gran collaciu, y que nun me ta ubligando a escribir esto?
- ...Gabino de Lorenzo destina la mayor parte del dineru en poner fontes pa que los guah.es se motiven nel colexu y ansí tengan aú dir na fin de cursu?
- ...el Real Uviéu tien el viciu de descender pa dar emoción, y nun facer lo que l'Osasuna?